20 лютага 2020 мяне ў фэсбук заблакавала беларускае выданне Новы час. З нагоды гэтай радасці на сваёй старонцы пакінуў такі каментар:
«Сёння скончылася мая беларуская мова - мяне заблакаваў Новы час. І куды сяляніну падацца з сваімі не бел-чырвона-белымі думкамі-іншадумкамі?»
Чыннікі блакавання не маюць значэнне. Бо для бел-чырвона-белай часткі грамадства і тым больш для бел-чырвона-белых СМІ чыннік заблакаваць мяне адзін — маё імя. Бо я не бел-чырвона-белы змагар.
Пасля блакіроўкі я зайшоў на старонку змагара, з якім размаўляў перад блакаваннем, і ўбачыў спасылку на сайт з пытаннем, якое мяне зацікавіла: «Як зрабіць Беларусь лепшай за адно дзесяцігоддзе?» Зайшоў на сайт. Ён мне вядомы. Пытанне было адрасавана моладзі ад 18 да 25 гадоў, якой рэдакцыя прапанавала ўдзельнічаць у конкурсе эсэ. Я па-за конкурсам пакінуў наступны каментар. Праз дзве гадзіны ён на сайце знік...
ДЗВЕ БЕЛАРУСІ
(1) Самае галоўнае, што трэба зрабіць: ачысціць СМІ ад бел-чырвона-белаўшчыны. Менавіта з гэтай «адраджэнскай» заразы некалі (1988-89) пачаўся падзел нацыі. Нагадаю, што адным з галоўных чыннікаў тае адраджэння была мова. І калі б перайшлі трыццаць гадоў з гакам таму на тарашкевіцу / наркамаўку, то знішчылі б свае навуку і эканоміку, якія трымаюцца на русском языке.
Як следства так званага адраджэння з'явілася контрадраджэнне, а насамрэч яно ў нас было сто лят з 1 студзеня 1919 і 20 ліпеня 1994 пасля інаўгурацыі першага прэзідэнта вярнулася контрадраджэннем — ўладай былой КПБ.
(2) Пасля паразы бел-чырвона-белых на выбарах 1994 у іх СМІ (тутэйшых і забугорных) з'явілася слова ДЫКТАТАР або ДЫКТАТУРА. То бок прымусіць беларусаў карыстацца мовай пад паліцайскім бел-чырвона-белым сцягам гэта дэмакратыя, а карыстацца пасля рэферэндуму-1995 беларускай мовай + русским языком + былым сцягам і гербам = дыктатура.
Так пасля ста дзён пасля інаўгурацыі Аляксандра Лукашэнкі пачалася бел-чырвона-белая прапагандысцкая апрацоўка беларусаў і беларусак бел-чырвона-белымі СМІ (тутэйшымі і тамтэйшымі), так паступова з'явіўся ваш празаходні сайт і ідэя зрабіць Беларусь лепшай за адно дзесяцігоддзе.
А Беларусі ў нас... ДЗВЕ... - бел-чырвона-белая і чырвона-зялёная. Якую з іх рабіць лепшай? Праз грамадзянскую вайну супрацьстаяння ці як? Праз паход у Еўропу / ЕС? Дык гэта ж тая ж грамадзянская вайна! Бо не ўсе жадаюць ісці ў тую Еўропу! А можа адвернемся ад Расеі? А хто абароніць нашы заходнія землі ад зацікаўленага погляду на іх Польшы (НАТА), якія нам у 1939 дараваў таварыш Сталін, калі забраў у палякаў? Дык гэта ж амаль палова тмнай тэррыторыіі Рэспублікі Беларусь!
А можа праз дзікі заходні капіталізм, праз інстытут прыватнай уласнасці, то бок праз вяртанне грамадства на сто лят назад ды падзел беларусаў на Паноў і Халопаў, як было ў пачатку XX стагоддзя, можна палепшыць існае жыццё беларусаў? Га?
Дык якую Беларусь прапануеце зрабіць лепшай?
То бок само пытанне ці задача, якую вы прапануеце рашыць дзеткам, мае памылку ў пытанні і таму не будзе мець станоўчага рашэння.
(3) А ці ведаю я рашэнне, каб аб'яднаць нас спачатку ў АДЗІНУЮ Беларусь, як было да так званага адраджэння? Не. Але калі не пачнем з прапаганды - то бок з бел-чырвона-белай паліцайскай прапаганды і не выключым яе з нашага быцця, то ДЗВЕ Беларусі ніколі не будуць ЛЕПЕЙ адзінай.
Оценили 2 человека
2 кармы