КРЫХУ ПРА ЗЯ-ФАШЫЗМ

Паважаны спадар Яўген Мурашка, надрукаваны ў ФБ у групе Парламенцкая Беларусь ваш ліст да Зянона Пазьняка мае дату 2013 год. Менавіта ў гэтым гаду ў сераду, у ноч, калі ў Мінску пачынаўся новы дзень, я апублікаваў свой каментар на форуме Народнай Волі: "Аляксандр Лукашэнка геній беларускай палітыкі." Да гэтай думкі я выспеў за чатыры гады пасля таго, як сышоў ад Зянона, якога падтрымліваў з 1989 года і быў побач з ім шэсць гадоў у ЗША з 2003 года.

У 2009-м тут у Ню Ёрку я, падчас абеду, на пытанне свайго 40-гадовага менеджара напалову ўкраінца, і напалову рускага з Адэсы, маўляў, за каго б ты сёння галасаваў, калі б на двары быў 1994 год, адказаў: "Беларускі народ у сваім выбары-1994 не памыліўся."

Што датычыцца вашага звароту да Зянона Пазьняка, і ў прыватнасці вось гэтага моманту: "Нісколькі не сумняваюсь, але і падзяляю Ваш клопат аб будучыні нашай Бацькаўшчыны."

Ну вось сёння на двары 2023 год. І які клопат за нашу Бацькаўшчыну вы ўбачылі ў дзеяннях Зянона за мінулыя дзесяць гадоў? Ёсць клопат? А да 2013 года быў?

Фашызм называецца той яго клопат, паважаны спадар Яўген. Вось зя-фашызм быў і ёсць той самы клопат, які вы не заўважылі ў яго дзеяннях і выказваннях з пачатку так званага адраджэння па сённяшні дзень. А менавіта нянавісць не толькі да Расіі і рускага чалавека, а й да Беларусі і беларускага чалавека. Да беларуса, які не падтрымлівае яго палітыканскую нянавісць да Расіі. Вось такая была і ёсць яго, “выратавальніка нацыі”, нябачная беларускаму люду таямніца. Вось чаму дух яго зя-фашызму = нянавісці да Расіі і рускага чалавека не мог быць не заўважаны значнай часткай беларусаў, якія ў постсавецкі час і таксама сёння ставяцца да Расіі з павагай, і няблага да рускага чалавека.

Такім чынам не палітыка Лукашэнкі яго выштурхнула з Беларусі, а беларускі народ з лета 1988-га па пачатак 1996-га не прыняў зя-палітыку нянавісці да люду і краіны з Усходу РБ. Не прыняў наш народ такую зя-форму "клопату аб будучыні нашай Бацькаўшчыны." А ўся гісторыя нашай нацыі і дзяржаўная палітыка пасля 1994 году ёсць доказ таму, што выбар Аляксандра Лукашэнкі і беларускага народа на добрасуседскія адносіны з Расіяй і расійскім народам быў правільным - адзіным верным незалежным шляхам беларусаў у будучыню.