Нахуст, бояд фикр кунем, ки он рӯзгор мардуми рустои худи мо дар ин ҷараён чи саҳме доштанд?
Чанд нафар аз рустоямон ба ин наҳзат шарику дар он муборизаҳо меҷангиданд?
Номҳояшонро медонем?
Сардорони ин наҳзат - сардорони аслӣ киҳо буданду аслан аз куҷо?
Оё онҳо барои Ислом, барои Сарзамин, барои бақои иморат меҷангиданд ё барои Русия подшоҳӣ?
Оё дар ҳудудҳое, ки ин ҷанг мерафт, Русияи подшоҳӣ тасаллут надошт?
То куҷо мардуми маҳаллӣ ин наҳзатро пуштибонӣ кардаанд?
Агар ба фарз на Инқилоби Бухоро мебуду на ҳуҷуми рус, то куҷо мо ҳамчун МИЛЛАТИ ТОҶИК метавонистем бошем ва оё ҳукумат аз дасти манғитиён ба дасти миллати мо мегузашт?
Ғайр аз асноди даврони Шӯравӣ, ғайр аз китобҳои муҳаққиқони хориҷӣ дар ин мавзуъ кадом асноди бетарафи бо дасти бумиҳо навиштаро дорем?
Агар "босмачӣ"-ҳо ғоратгар набуданд, агар ба воқеъ барои Ватану Миллату Дин меҷангиданд, чаро умуми мардум онҳоро дастгирӣ накард?
Ба дастаҳои ихтиёрии бумӣ, ки зидди онҳо ҷангиданд, чи ном бидиҳем?
Дар ин миён - пас аз қаҳрамони миллӣ донистани "босмачӣ"-ҳо, нисбати нухбагоне чун устод Айнӣ, Ғафуров ва дигарон, - қарор чист? Оё инҳо ба хотири пуштибонӣ аз ин сохту хидмат дар ин сохт "Хоини миллӣ" ҳисобида шаванд?
Бобои мо кӣ буд, чи қадар замин дошт, кадом мансаби он рӯзгорро дошт, вазъи зиндагияш дар кадом сатҳ будааст?
....
Ин суолҳо ба назари ман зарурӣ ҳастанд, то хулосаи худро нисбати он ҷараён ё он наҳзат барорем?
Кадом асноди қавии қаҳрамон будани онҳоро ё чун русҳо ғоратгар будани онҳоро дорем?
Дар ҳамин шабу рӯз, дар ҳоле, ки мушкилоти азими миллиро пеши рӯ дорем, мавзуъи "босмачӣ" ба мо чи медиҳад?
Ин мавзуъ то куҷо аҳаммияти миллӣ дорад?
Оценили 0 человек
0 кармы