ПЫТАННЕ ПРЭЗІДЭНТУ

27 лютага 2019 беларускае ЕўрарадыёFM апублікавала артыкул "Лукашэнка запрашае да сябе на "вялікую размову" больш за 200 чалавек", у якім у прыватнасці сказана:

"Аляксандр Лукашэнка запрашае да сябе на "вялікую размову" больш за 200 чалавек. Гэта не толькі журналісты, але і эканамісты, палітолагі, грамадскія і рэлігійныя дзеячы, чыноўнікі, бізнесмены, інфармуе БЕЛТА. Мерапрыемства адбудзецца 1 сакавіка ў Нацыянальным выставачным цэнтры Белэкспа на праспекце Пераможцаў у Мінску. Пытанне для кіраўніка дзяржавы можна дасылаць на электронную пошту: vopros@belta.by ". Я й даслаў пытанне прэзідэнту Рэспублікі Беларусь Аляксандру Лукашэнку:

Спадар Лукашэнка,

Я 16 гадоў жыву ў ЗША, беларус, грамадзянін Беларусі. Ніколі за вас не галасаваў, але гадоў 10 таму тут у Нью Ёрку да мяне даляцела, што беларускі народ у сваім выбары-1994 не памыліўся, калі абраў вас кіраўніком РБ.

Збольшага зразумеў сутнасць амерыканскага капіталізму, які, як і іншы заходні, заснаваны на прыватнай уласнасці ў аснове эканамічных адносінаў, і таму лічу, што дзяржаўны капіталізм у Беларусі ўсё ж лепшы варыянт накірунку эвалюцыйнага развіцця постсавецкага беларускага грамадства, эканомікі ды пабудовы незалежнай дэяржавы РБ.

Калі вы, спадар Лукашэнка, будзеце балатавацца на наступных выбарах на пасаду прэзідэнта Беларусі, то я буду за вас галасавць у Консульстве РБ у Нью Ёрку. Але прашу адказаць на важкае для мяне пытанне:

Ці пакінеце вы й надалей дзяржаўную ўласнасць у якасці асновы эканамічных адносінаў у Беларусі? Спадзяюся на станоўчы варыянт адказу.

Дзякуй,

Anatol Starkou.