16 ліпеня 2018 года ў эфіры беларускага Еўрарадыё.fm ішла размова пра Курапаты і рэстарацыю ля іх. Сваё меркаванне выказваў сустаршыня аргкамітэту па стварэнні партыі БХД (Беларуская Хрысціянская Дэмакратыя) Павал Севярынец. Я пракаментаваў падзеі вакол Курапатаў і мой каментар прагучаў у эфіры Еўрарадыё. Вось гэты камент:
"Не пра Курапаты і ахвяры вядуць размову змагары-абаронцы, бо дагэтуль невядома як там загінулі, хто і колькі людзей. Ідзе размова аб бел-чырвона-белай ідэалогіі, якая ўзнікла 30 гадоў таму падчас адкрыцця пахаванняў ля Курапат."
Цалкам відэа ролік Еўрарадыё можна знайсці на яго старонцы ў фэйсбук або на ЮТуб тут https://www.youtube.com/watch?...
У адказе на мой каментар Павал нагадаў, што ёсць публікацыі, якія кажуць аб тым, што тамака ахвяры сталінскіх часоў ды выказаў меркаванне, што маглі быць і ахвяры нацызму, і калі апошняе, то, маўляў, "Я не разумею чаму мы не павінны падымаць гэта пытанне. Ў вас лагічная супярэчнасць у самім пытанні," - дадаў Павал.
Пасля чаго я даслаў удакладненне, якое агучыла вядучая праграмы:
"Павал, супярэчнасці ў маім каменце няма, бо гэта камент - сціплы сказ. Да таго ж пра бел-чырвона-белую ідэалогію ты нічога не сказаў."
І Павал распавёў пра... 2000 гадовую бел-чырвона-белую сімволіку. Тэкст яго выказвання на рускую мову пераклаў беларускі сайт КУКУ.org і ён на малюнку, які я ўзяў з фэйсбук старонкі беларускай апазіцыйнай Кукушки.
"...І канешне мы за яе. І канешне мы яе абараняем, калі абараняем Курапаты," - сказаў Павал Севярынец пра бел-чырвона-белую ідэалогію.
Пасля чаго час праграмы хутка скончыўся...
Дзякуй Павал за бел-чырвона-белую байку пра 2000 гадовы век бел-чырвона-белай ідэалогіі. Падумаю, і, каб слухаць твае бел-чырвона-белыя байкі надалей, мо ўступлю ў Малады Фронт.
Я пытаўся пра бел-чырвона-белую ІДЭАЛОГІЮ, а не пра яе СІМВОЛІКУ. Ідэалогія - гэта "система взглядов, сознательно формулируемая составляющая мировоззрения человека или сообщества". А сімволіка крыху іншае. Таму мне не трэба звяртацца да падручнікаў па гісторыі, каб зразумець, што ля Курапатаў бел-чырвона-белыя абаронцы абараняюць выключна бел-чырвона-белую ідэалогію, якая нарадзілася тамака ж трыццаць гадоў таму.
Яшчэ ты сказаў, што крыжы ў Курапатах пачатак каардынат бел-чырвона-белай ідэі, што габрэі ў Палесціне пасля распяцця агарнулі Хрыста быццам НАШЫМ нацыянальным бел-чырвона-белым сцягам, і тая паласа крыві Іісуса ёсць частка НАШАГА сцяга, што ў Курапатах ёсць памятны знак (помнік) габрэям, якія ёсць ахвяры даўніх падзей у Курапатах. Але калі знак габрэйскі, то чаму абаронцы паставілі ў Курапатах КРЫЖЫ? Мо і беларускія мусульмане тамака пахаваны... Таму пра Курапаты я сказаў, што "дагэтуль невядома як там загінулі, хто і колькі людзей."
Дый пры чым тут бел-чырвона-белая ідэалогія, якую вы абараняеце ля Курапат? Але калі ты дапусціў, што магчыма ахвяры ў Курапатах былі й падчас нацызму, то чаму абаронцы сённяшніх Курапат стаяць пад бел-чырвона-белым сцягам беларускіх паліцаяў, якія сумарна з нацызмам і сталіншчынай у 1937-44 знішчылі траціну нашага народу? Ў тым ліку беларусаў, габрэяў і інш. Дык што ля Курапатаў і рэстарацыі робяць абаронцы пад бел-чырвона-белым сцягам, у якога такая багатая 2000 гадовая гісторыя?
У Курапатах павінен быць мемарыял памяці загінутым у часы сталіншчыны, ў часы бел-чырвона-белай паліцайшчыны і нацызму. І ніякай ідэалогіі.
P.S. Чытайце таксама іншыя мае артыкулы па тэме Курапаты:
ДЗВЕ ПРАБЛЕМЫ КУРАПАТАЎ https://cont.ws/@starkou/98321...
КУРАПАТЫ ПРАХ ТРЫЦЦАЦЬ ГАДОЎ https://cont.ws/@starkou/97490...
КУРАПАТЫ, МАЕ БНФ-КУРАПАТЫ https://cont.ws/@starkou/91775...
Оценили 0 человек
0 кармы