Псков — западная твердыня Руси

Когда-то собрал материалы по истории Пскова, его обороны в XIII веке. Очень поучительные, надо сказать, сведения — если их рассмотреть вот так, как единое целое (собранное вместе). В основном это цитаты из наиболее аутентичных источников, с некоторыми пояснениями (дат, топонимов).

События 1242 г. по Новгородской 1-й летописи (НПЛ): 

Ее Синодальный список (пергамент, XIII век): «В лъто 6750. Поиде князь Олександръ с новгородци и с братомь Андръемь и с низовци на Чюдьскую землю на Нъмци и зая вси пути и до Пльскова; и изгони князь Пльсковъ, изъима Нъмци и Чюдь,. и сковавъ поточи в Новъгородъ, а самъ поиде на Чюдь. И яко быша на земли, пусти полкъ всь в зажития; а Домашь Твердиславичь и Кербетъ быша в розгонъ, и усрътоша я Нъмци и Чюдь у моста, и бишася ту; и убиша ту Домаша, брата посаднича, мужа честна, и инъхъ с нимь избиша, а инъхъ руками изъимаша, а инии къ князю прибъгоша в полкъ; князь же въспятися на озеро, Нъмци же и Чюдь поидоша по нихъ. Узръвъ же князь Олександръ и новгородци, поставиша полкъ на Чюдьскомь озеръ, на Узмени, у Воронья камени; и наъхаша на полкъ Нъмци и Чюдь и прошибошася свиньею сквозь полкъ, и бысть съча ту велика Ньмцемь и Чюди. Богъ же и святая Софья и святою мученику Бориса и Глъба, еюже ради новгородци кровь свою прольяша, тъхъ святыхъ великыми молитвами пособи богъ князю Александру; а Нъмци ту падоша, а Чюдь даша плеща; и, гоняче, биша ихъ на 7-ми верстъ по леду до Суболичьскаго берега; и паде Чюди бещисла, а Нъмець 400, а 50 руками яша и приведоша в Новъгородъ. А бишася мъсяца априля въ 5, на память святого мученика Клавдия, на похвалу святыя Богородица, в суботу. Того же льта Нъмци прислаша с поклономь: "безъ князя что есмы зашли Водь, Лугу, Пльсковъ, Лотыголу мечемь, того ся всего отступаемъ; а что есмы изъимали мужии вашихъ, а тъми ся розмънимъ: мы ваши пустимъ, а вы наши пустите"; и таль пльсковьскую пустиша и умиришася. Того же лъта князь Ярославъ Всеволодичь позванъ цесаремь татарьскымь Батыемь, иде к нему въ Орду».

Ее Комиссионный список: «В лъто 6750. Поиде князь Александръ с новгородци и с братомъ Андръемъ и с низовци на Чюдскую землю на Нъмци в зимъ, в силъ велицъ, да не похвалятся, ркуще: "укоримъ словеньскыи языкъ ниже себе"; уже бо бяше Пьсковъ взят, и тиюнъ их посажен. И князь Александръ зая вси пути до Плескова; и изгони князь Пьсковъ, и изима Нъмци и Чюдь, и, сковавъ, поточи в Новъгород, а самъ поиде на Чюдь. И яко быша на земли, пусти полкъ всь в зажитья; а Домашь Твердислалиць и Кербетъ быша в розгонъ, и убиша ту Домаша, брата посадница, мужа честна, и иных с нимь избиша, а иных руками изимаша, а инъи къ князю прибъгоша в полкъ. Князь же въслятися на озеро; Нъмци же и Чюдь поидоша по нъх. Узръвь же князь Александръ и новгородци, поставиша полкъ на Чюдьскомъ озеръ, на Узменъ, у Воронья камени; и наступиша озеро Чюдское: бяше бо обоих множествомного. Бяше бо ув Олександра князя множество храбрых; якоже древле у Давыда цесаря силни кръпци, такоже мужи Александрови исполнишася духа ратна, и бяху бо сердца имъ акы лвомъ; и ркоша: "о, княже нашь честный и драгыи, нынъ приспъ время положити главы своя за тя". Князь же Александръ, въздъвъ руцъ на небо, и рече: "суди, боже, и расуди прю мою от языка велеръчьна. Помози ми, господи, якоже древле Моисиеви на Амалика и прадеду моему Ярославу на оканьнаго Святополка". Бъ бо тогда день суботныи, въсходящю солнцю; и наихаша полкъ Нъмци и Чюдь, и прошибошася свиньею сквозъ полкъ, и бысть ту съча велика Нъмцом и Чюдъ, трускъ от копии ломлениа и звукъ от мечнаго свчениа, яко и морю померзъшю двигнутися и не бъ видъти леду: покрыло все кровию. Се же слышах от самовидца, и рече ми, яко видъх полкъ божий и на въздусъ пришедший на помощь Александров. И побъди я помощью божиею и святой Софъи и святую мученику Бориса и Глъба, еюже ради древле крови прольяша; и Нъмци ту падоша, а Чюдь даша плещи; и гонящися билъ на 7 веръстъ по леду до Соболичькаго берега; и паде Чюди бещисла, а Немъць 500, а иных 50 руками яша и приведоша в Новъгород. А бися априля въ 5, на память святого мученика Феодула, на похвалу святыя Богородица, в суботу. Здъ же прослави богъ Александра пред всъми полкы, яко Исуса Навгина у Ерихона. Они же рекли: «имемъ Александра руками»; и сих дасть ему богъ в руцъ его, и не обрътеся противникъ ему во брани никогда же. Възвративъ же ся Александръ съ славною победою: бяше бо полона множество в полку его, и ведяху их подлъ конь, иже именуються божии рыторъ. Яко приближися князъ Александръ къ граду Пьскову, и стрътоша его многъ народ, а игумены и попове в ризах такоже срътоша съ кресты и пред градом, поюще славу господню князю Александру: "пособивыи господи кроткому Давыду побъдити иноплеменникы, и върному князю нашему оружьемъ крестьнымъ свободити град Пьсковъ от иноязычных рукою Александровою". О невъгласии пьсковици, аще се забудете до правнучать Александровъ, уподобитеся жидомъ, их же препита господь в пустыни крастели печены, и сии всъх забыша бога своего, изведшаго из работы египетскыя. И нача слыти имя Александрово по всъм странамъ, и до моря Хупожьскаго, и до горъ Аравитьскыхъ, и об ону страну моря Вяряжьскаго, и до самого Рима. Того же лъта прислаша Нъмци с поклономъ: "безъ князя что есмя зашли Водъ, Лугу, Плесковъ, Лотыголу мечем, того ся всего отступаемъ; а что есмя изъималъ мужь ваших, а тыми ся розминимъ: мы ваши мужи пустимъ, а вы наши пустите"; и таль плесковьскую пустиша и умиришася. Того же лъта князь Ярославъ Всеволодиць позванъ цесаремь Татарьскымъ, и иде в Татары къ Батыеви, воеводъ татарьску».

О дальнейших сражениях Пскова с немцами в 1250-х гг. есть сообщения в Новгородской первой летописи старшего извода, где читаем:

«В лєто 6758. ...Того же лєта придоша Нємци подъ Пльсковъ и пожгоша посадъ, но самєхъ много ихъ пльсковичи биша». (Это 1253 г.)

«В лєто 6764. Придоша Свєи, и Ємь, и Сумь, и Дидман...» (Это 1258 г.)

Битва под Раковором (Везенберг) в 1269 г., когда немцы потерпели крупное поражение от новгородцев, псковичей и войск Низовских земель, т.е. Владимиро-Суздальского великого княжения:

«...бє бо съвкупилася вся земля Нємецькая. ...новгородци же сташа въ лице желєзному полку противу великои свиньи. И тако поидоша противу собє и яко съступишася, бысть страшно побоище, яко не видали ни отци ни дєди... и гониша ихъ бьюче и до города, въ 3 дни пути на семи верстъ, якоже не мочи ни коневи ступити трупием... Новгородци же стояша на костєхъ 3 дни».

О событиях 1272 г. по двум источникам (двум Псковским летописям):

«В лєто 6777. Придоша Нємци в силє велицє подъ Пльсковъ... и приступиша к городу, и не успєша ничтоже, но большюю рану въсприяша, и стояша 10 днии... Новгородци же приєхаша подъ Пльсковъ и взяша миръ чресъ рєку на всеи воли новгородьскои». 

«Слышав же местерь земля Ризькая моужество Довмонта, съвкупи много вои своих, и ополчився в силе тяжце без бога, и прииде ко Пскову, ови на конех, а инии в кораблех и в лодияхъ, и с порокы» ("Сказание о благоверном князи Довмонте" во 2-й Псковской летописи).

Сражение 23 апреля 1297 г.:

«Боголюбивыи же князь Довмонтъ, не терпя обидимъ быти от нападания поганых Немець, выехавъ погонею малою дружиною, в пяти насадах съ 60 мужь, божию силою 800 Немець победи на реце на Мироповне, а два насада бежаша во иныя островы. Боголюбивыи же Довмонтъ, ехавъ, зажже и остров, и пожже их под травою, а инии побегоша, а власы их зажжени горятъ, а иных изсече, а инии истопоша в воде, пособием святые троицы» (Псковская 1-я летопись).

"Довмонтова башня" псковского Крома